Мајката на познатата манекенка Џиџи Хадид, Јоланда тврди дека пејачот Зејн Малик ја удрил минатата недела, во текот на расправија. Тој доскоро ѝ бил партнер на нејзината ќерка, а мајката размислува да поднесе кривична пријава против него.
Зејн подоцна за TMZ изјави:
– Јас не сакав ова да излезе во јавностa. Во обид да ја заштитам нашата ќерка, се согласив да ги оспорам наводите што произлегуваат од расправијата што ја имав со мајката на мојата партнерка, којашто влезе во нашиот дом додека мојата партнерка беше отсутна. Тоа се случи пред неколку недели, раскажа тој.
Пејачот смета дека тоа е приватна работа, не нешто што би требало да се најде во медиумите.
– И покрај моите напори да нè вратам сите нас во мирна семејна средина, што треба да ми овозможи да ја воспитам ќерка ми онака како што таа заслужува, негирам дека ја удрив Јоланда и одбивам да дадам дополнителни подробности. Се надевам дека Јоланда ќе ги преиспита своите лажни обвинувања и ќе се сврти кон решавање на семејните проблеми приватно, заклучи тој.
Зејн Малик и Џиџи Хадид заедно ја имаат едногодишната ќерка Каи, а по обвинувањата на Јоланда, откриено беше дека двојката долго време веќе не е заедно. Почнаа да се гледаат во 2015 година, а раскинаа три години подоцна.
По кратко време повторно ја обновија врската, а нивната ќерка се роди во септември, 2020.
