Снегот што непрекинато паѓаше во Битола во текот на ноќта направи проблеми за денешното дерби во четвртфиналето од Купот на Македонија.
Фудбалерите на Пелистер и Вардар се појавија на теренот на стадионот „Под Тумбе Кафе“, но насобраниот снег не дозволи натпреварот ниту да започне.
Фудбал се игра и на снег и тоа со црвена топка, но проблем на теренот во Битола било и тоа што теренот бил смрзнат и во лоша состојба.
Поради тоа, најголемото македонско фудбалско дерби денес нема да се игра, а ќе биде презакажано за друг термин. Доколку временските услови дозволат, можно е да се игра на средината од декември, ако не - напролет.
Останатите три четвртфинални натпревари се во тек.