Елон Маск повторно гостуваше во емисијата на еден од најпознатите автори на подкасти во светот – Џо Роген. Првиот пат во емисијата тој пушеше џоинт со Роген, а во новото гостување откри интересни, но и малку бизарни работи, пишува Independent.
Во новиот двочасовен разговор со Роген тој откри дека за помалку од година неговата компанија Neuralink ќе има потенцијал и подготвеност да стави мозочни импланти кај луѓе, слични тврдења имаше и во 2019 година. Во мозочното ткиво имплантот ќе се интегрира со помош на игли со цел да се избегне оштетување на крвните садови на површината на мозокот. Но, тоа не е сè, Independent одвои неколку бизарни моменти од интервјуто.
1. Елон Маск не знае како да го изговори името на неговото дете
Моментот кога Елон Маск не знае да го изговори името на неговото новородено дете го насмеа водителот.
2. COVID-19 не е толку смртоносен како што тврдат
Маск е отворено против мерките за карантин поради коронавирусот, смета дека се „фашистички“. Во последно време го обвинија и за ширење дезинформации за COVID-19, тој вели дека не верува за податоците за смртни случаи.
„Мислам дека степенот на смртност е помал од оној за кој соопштува СЗО. Многу помал“, вели тој и додава дека луѓето умираат од други работи и случајно се позитивни на коронавирусот. Дури вели и дека COVID-19 не е толку страшна болест бидејќи „не убива млади здрави луѓе“.
Во моментов, со коронавирусот досега се заразија над 4,2 милиони луѓе, додека починати се 285.214 луѓе. Најпогодени се САД со над 1,4 милиони и над 81.000 смртни случаи.
3. Луѓето реагираат претерано за вирусот
„Како да навистина сакаат да паничат, малку е лудо тоа“, вели Маск.
Во меѓувреме, во САД податоците за над милион заболени се навистина малку „луди“.
4. Карантинот ги прекршува човечките права на Американците
Маск вели дека ова што се случува во Америка е против уставот и слободата на луѓето.
„Многу луѓе се бореле и умреле за слобода и демократија, тоа треба да го цениме, да не се откажуваме од слободата така лесно. Мислам дека го направивме тоа“, вели Маск.
Но, изгледа Маск и Роген заборавија колку луѓе исто така починаа од COVID-19, како и на фактот дека сè уште не е познато какви последици на здравјето ќе имаат оние кои ја прележале болеста.