Легендарниот германски тенисер Борис Бекер (55) откри низ каков ужас минувал во затворот каде помина осум месеци по обвиненија за финансиски малверзации.
Бекер веднаш по излегувањето од затвор заработи 500.000 евра од интервју за германската телевизија Sat1. Многу фанови беа разочарани од ваквиот потег бидејќи сметаат дека не треба толку многу пари да добие човек кој штотуку беше ослободен од затвор.
Во тоа интервју, Бекер откри низ која мака поминал во затворот каде што требало да остане година и три месеци, но на крај се извлече за осум месеци.
„Во октомври, еден затвореник сакаше да ме убие. Друг се закани дека ќе ме силува и вербално ми објасни сè што ќе ми направи“, изјави Бекер за Sat1.
Еден од најдобрите тенисери на сите времиња потврди дека е виновен и дека тоа апсолутно не го доведува во прашање. Во еден момент од интервјуто тој дури и се расплака пред камерите.
"Nights Were Atrocious": Former Tennis Star Boris Becker On Time In Prison https://t.co/EfrFHVyaq2 pic.twitter.com/IrKvKaxjWQ
— NDTV News feed (@ndtvfeed) December 21, 2022
Во истото интервју тој додаде дека никој не го препознал како Борис Бекер, туку дека бил само бројка во затворот.
„Во затворот си никој и ништо! Само бројка. Повторно ја открив личноста што сум. Научив тешка лекција. Беше скапо и болно. Некои работи се случуваат со причина“, додаде тој.
Бекер подготвува и книга и има потпишано неколку договори, а неколку британски медиуми се наредени за интервју, па нема дилема дека славниот тенисер ќе продолжи да заработува значителни суми пари и во иднина.