Џенифер Лопес убедливо заслужува да ја носи титулата мегаѕвезда.
Таа е присутна во јавниот живот повеќе од три децении, а покрај бројните таленти, вниманието го привлекува и со својот изглед. Покрај тоа, многумина се согласуваат дека Џеј Ло на 51 година изгледа подобро од кога било.
Оваа разноврсна пејачка, танчерка, актерка, претприемач и мајка го потврди токму тоа. Џеј Ло позираше за мајската насловна страница на списанието The Beauty Issue, а најголемо внимание привлече костимот за капење кој „не простува недостатоци“. Лопес откри неколку фитнес тајни и нескромно заклучи: „Сега сум во најдобра форма што некогаш сум била во животот“.
Таа рече дека секогаш вежбала, но дека сега нејзините тренинзи изгледаат поинаку отколку кога имала 20 или 30 години. Како што вели, сега тренира за здравје, а не за изглед и многу попаметно пристапува кон вежбањето.
„Кога ги правите нештата од вистински причини, изгледате подобро“, тврди таа.
Сепак, Џеј Ло се обидува никогаш да не ги прескокне тренинзите, па често ги прави и во доцните вечерни часови. Ова понекогаш ѝ е тешко, но таа истакнува дека на крајот на тренингот секогаш ѝ е мило што нашла мотивација за вежбање. Исто така, таа не дозволува нејзините тренинзи да станат монотони, па затоа честопати ги менува сериите вежби.
Претходно, еден од тренерите на Лопес, Дод Ромеро, во интервју за Us Weekly откри дека пејачката секогаш пие многу вода. Но, исто така, одбегнува ригорозни диети кои ветуваат брзи резултати. Наместо тоа, Џеј Ло практикува здрава исхрана која стана нејзин начин на живот, пренесува Eat This, Not That.