Претстојните натпревари ќе покажат кој моментално ја игра најдобрата кошарка во светот во машка конкуренција, односно дали има простор за некои поголеми нарушувања на планетарниот поредок во играта под обрачите, но МундоБаскетот во Јапонија, Индонезија и Филипините ќе влезе во историјата уште пред да биде фрлена првата топка.
Причината е потврдената одлука на Светската кошаркарска федерација за прв пат да делегира судијки за машкиот турнир, а посебно место во аналите ќе имаат Американката Ејми Бонер, нејзината сонародничка Џена Рино и Мексиканката Бланка Брнс.
Тројцата ќе ја надгледуваат играта на репрезентациите и ќе се грижат за примената на правилата со поддршка од уште еден колега, а за досегашните достигнувања заработија посебна чест од ФИБА.
Брнс е единствената Мексиканка која досега судела во НБА лигата, Рино дебитираше во најсилната лига на светот во 2021 година на дуелот меѓу Њујорк Никс и Чикаго Булс, додека Бонер официјално суди од 2005 година, а во 2021 судеше и во американската 3x3 BIG 3 лига.
МундоБаскет 2023 започнува на 25 август, а завршува на 10 септември.
