Први мај за многумина е препознатлив како празник за добра скара и дружба, поради што некои едвај го чекаат. За оние кои денешниот ден одлучија да го искористат на тој начин, овие неколку совети ќе ви помогнат како да направите совршена скара.
Веројатно ви е познато дека месото ќе биде највкусно ако е маринирано, но исто така е важна силината на огнот за да не го уништите месото.
Колкава треба да биде температурата за идеална скара, за да добиете совршено месо, наместо изгорено и сирово од внатре?
Постои едноставен трик за проверка. според вљубеници во кулинарството, по неколку тестови заклучиле дека треба да ја ставите раката над огнот и тоа до 15 сантиметри, кога сметате дека е спремна за печење. Потоа во секунди измерете колку долго сте успеале да ја држите дланката над огнот пред да почне тоа да ви смета. Така ќе дознаете дали е преслаба или премногу силна.
Според нивните препораки на Good Housekeeping, ако издржете да ја држите раката над огнот само две секунди, огнот е пресилен. Ако издржите 3 до 4 секунди, станува збор за средна кон висока температура, а 5 до 6 секунди е средна температура. Потоа, 7 до 8 секунди значи дека станува збор за послаб оган, а повеќе од тоа не е добро за скара.
