Италијанскиот тенисер Фабио Фоњини ја доведе во прашање сериозноста на повредата на Рафаел Надал.
– Да, да сигурно, но тој играше 4 часа и 20 минути. Луѓе, престанете да верувате во сè што ќе прочитате, ве молам!!! – напиша Фоњини на социјалните мрежи.
Вчеравечер Надал го победи Американецот Тејлор Фриц во меч кој траеше за 4 часа и 20 минути и покрај проблемите со стомачните мускули (3:6, 7:5, 3:6, 7:5, 7:6). Во вториот сет 22-кратниот победник на Грен слем зеде медицински тајм-аут.
Следен противник на Шпанецот ќе биде Австралиецот Ник Кирјос. Тие ќе се борат за пласман во финалето на Вимблдон, но и оваа средба не се знае дали ќе се одигра со оглед на повредите на Надал.
