Главниот судија Серен Фримел ја образложи одлуката за исфрлање на Новак Ѓоковиќ од УС Опен. Тврди дека дисквалификацијата била единствената можност.
„Факт е дека Новак го удри топчето во бес, непромислено и така ја погоди судијката точно во врат, иако немаше задна намера”, започна Фримел па продолжи:
„Два фактори се во прашање, едниот е акцијата, а другиот е резултатот. Акцијата, иако беше без намера, доведе до резултатот. Удирањето на судијката со топче и фактот дека таа беше очигледно повредена. Ова се главните фактори при донесувањето на одлуката во овој случај”, изјави Фримел.
„Казнувањето на играч е тешка и важна одлука. Не е важно на кој терен се случува или за кој играч се работи. Мора да донесеш исправна одлука”.
