Српскиот тениски ас Новак Ѓоковиќ се огласи со специјална објава откако неговиот голем ривал Роџер Федерер реши да стави крај на својата величествена кариера.
Набргу по одлуката на Федерер, Рафаел Надал се огласи на социјалните мрежи и изјави дека жали за пензионирањето на Швајцарецот. Кога сите почнаа со емотивни пораки до Федерер, Ѓоковиќ го немаше да се изјасни на темата. Српскиот тенисер реши да почека еден ден за да подготви една многу убава порака.
Она што е интересно, заедно со емотивната порака за Федерер Ѓоковиќ објави неколку фотографии од големите финалиња во кои загуби од Швајцарецот, како она од УС опен во 2007 година. На овој начин уште еднаш покажа колку го цени Федерер.
„Роџер, тешко е да се погледне овој ден и да се искаже со зборови сето она што го споделивме заедно во овој спорт. Повеќе од една деценија неверојатни моменти и борби кои ги паметиме. Твојата кариера го постави нивото за извонредност. Чест ми е што те познавам на теренот и надвор од него, а потоа и во годините што доаѓаат. Знам дека новото поглавје во животот ќе содржи неверојатни работи за тебе, Мирка, децата и сите што ги сакаш, а обожавателите на Роџер имаат на што да да се радуваат“, рече Ѓоковиќ.
Српскиот тенисер им посака сѐ најдобро на Федерер и неговото семејство во иднина.
„Од моето семејство, желби за твоето. Ви посакуваме што е можно повеќе среќа, здравје и просперитет во иднина. Со нетрпение очекувам да ги прославам сите ваши успеси и да се видиме во Лондон“, рече Ѓоковиќ.
Инаку, Роџер Федерер следната недела ќе го игра последниот турнир во кариерата. Станува збор за Лејвер купот кој е закажан за 23 до 25 септември во Лондон.