Српскиот тенисер Новак Ѓоковиќ одигра одличен меч против Кевин Андерсон, остварувајќи рутинска победа од 6:3, 6:3, 6:3.
Особено добри беа статистичките податоци – девет асови и само 6 неизнудени грешки.
„Одиграв навистина добро и квалитетно. Многу сум задоволен што имав минимални грешки. Во секој сет успеав да направам брејк. Го прочитав и јас го диктирирав темпото. Добро ми одеше денес иако тој беше тежок и незгоден противник за второто коло на Вимблдон“, вели светскиот рекет број 1.
На новинарско прашање дали му е целта да го собори рекордот на Вимблдон по бројот на титули, Новак одговори:
„Би сакал. Ако не се лажам, Федерер има осум, јас имам пет. Имам уште многу работа. Не знам уште колку ќе играм на ова ниво. Сè додека имам желба и мотивација, додека сум подготвен физички, ментално, додека ја имам поддршката од најблиските, јас ќе продолжам да играм. Сè е можно да се случи. Јас сум на добар пат да освојам уште еден Грен слем, играм многу добро. Не размислувам за тој рекорд на Вимблдон, иако ми е омилениот турнир. Но ако не го срушам тој рекорд, нема да бидам несреќен“, заклучи Ѓоковиќ.