Извршниот директор на Tesla Inc, Илон Маск и Шивон Зилис, извршната директорка на Neuralink, добиле близнаци во минатиот ноември, објави Business Insider.
Во април Маск и Зилис поднеле барање за промена на имињата на близнаците така што ќе го носат презимето на таткото и како дел од средното име мајчиното презиме, стои во извештајот во кој се цитираат судски записи.
Судот во Тексас го одобри нивното барање, се додава во извештајот.
Триесет и шестгодишната Зилс на Linkedin е идентификувана како директор на операции и посебни проекти во Neuralink, чиј основач е 51-годишниот Маск. Во фирмата почнала со работа од 2017 година, кога и била именувана за директорка на проект на вештачка интелигенција во Tesla.
Исто така е член на управата во истражувачката компанија за вештачка интелигенција OpenAI, чиј основач е Маск.
Веста за близнаците го зголемува вкупниот број деца на девет. Маск има две деца со канадската пејачка Грајмс, пет деца со поранешната сопруга канадската писателка Џастин Вилсон.
Маск и Грајмс второто дете го добија преку сурогат мајка.
