Бразилската инфлуенсерка Жужу Виеира кон крајот на јануари го посетила Ватикан во склоп на нејзиното патување во Рим, но вели дека не знаела оти изборот на облека може да биде голем проблем.
На Инстаграм таа раскажа како ја замолиле да го напушти светото место откако ја известиле дека не е соодветно облечена. Со оглед на тоа дека не била свесна за тоа, Жужу се почувствувала понижено.
„Ми пријде еден господин кој работеше таму и ми рече дека тоа е место за молитва, а јас не сум прописно облечено по што ме исфрли од Ватикан. Ми беше многу непријатно бидејќи во близина имаше и други луѓе кои можеа да слушнат што се случува“, раскажа таа.
Ватикан има строг кодекс за облекување и за машките и за женските посетители, рамената и колената мора секогаш да бидат покриени. На жените не им е дозволено да носат маички без ракави, кратки маички или тесни кошули. Рамената мора да бидат покриени, а ко носите здолниште или фустан, колената мора да бидат покриени.
„Не знаев дека постојат правила. Човек со здрав разум нема да го посети Ватикан во облека за излегување во клуб. Бев облечена во облека во која се чувствувам удобно за долги прошетки“, вели таа.
Според коментарите на социјалните мрежи, некои луѓе сметаат дека е апсурдно што ја исфрлиле, но според други воопшто не е чудно оние кои ги прекршуваат правилата за облекување да ги замолат да си заминат.
