Навивачката кој беше отстранета од централниот терен за време на овогодинешното финале на Вимблдон откако Ник Кирјос се жалеше, поднесе тужба против австралискиот тенисер поради „смешна и целосно неоснована жалба“.
При една од промените на страни за време на финалето во кое играше против Новак Ѓоковиќ, Ник Кирјос му се пожали на судијата дека жената му попречува на сервисот, додавајќи дека е пристрасна и треба да биде отстранета од трибините.
Во изјавата објавена од нејзиниот адвокат, таа изјави дека ја покренала постапката против Ник Кирјос за да го „исчисти нејзиното име“.
„Камен пијана е и ми зборува среде игра. Личи како да испила 700 пијачки“, е дел од она што го кажа Кирјос го неговата жалба среде натпреварот.
„За време на финалето Ник Кирјос изнесе смешни и целосно неосновани тврдења за мене и моето однесување. Не само што ми го уништи денот, поради што ме исфрлија од трибините, туку и г-дин Кирјос изнесе лажни тврдења за мене кои ги прочитаа и слушнаа милиони луѓе ширум светот, повредувајќи го моето семејство и мене и предизвикувајќи голем стрес“, рече Ана Палус.
Таа додаде дека се одлучила на овој чекор за никому да не му се повтори, а сите можни пари добиени од тужбата ќе бидат исплатени во хуманитарни цели.