Многумина веруваат дека убавината, интелигенцијата и талентот можат да бидат од голема помош за постигнување успех, но Јапонците не се согласуваат со тоа. Тоа се квалитетите кои можат да го доведат човекот до целта, но не можат да го направат помудар и посилен.
Интелигенцијата е многу важна, но ако човек не знае да ја користи, нема многу да му помогне. Паметниот човек нема премногу да се фали со своите вештини бидејќи знае дека така може да си создаде непријатели, а тоа да му донесе бројни тешкотии и неволји.
Убавината може да ни помогне да оставиме добар впечаток и да ги импресионираме другите. Убавината може да ѝ помогне на жената да ја најде својата среќа и да ја задржи љубовта во своето семејство. Убавината може да му помогне на мажот да стане посилен, да најде љубов и среќа, но што се случува ако човекот се потпира само на убавината и на својот физички изглед? Тогаш личноста не се развива, не работи на себе и верува дека може да постигне сѐ благодарение на својата убавина и изглед. Често забораваме дека убавината може да доведе до завист и да ги расипе односите меѓу луѓето. Убавината не секогаш ни помага да ја најдеме среќата, но понекогаш може да предизвика конфликти.
Талентот може да му помогне на човекот да постигне многу во животот. Човек кој знае да го искористи својот талент на вистински начин може да постигне многу повеќе од она што се очекува од него. Талентот ни помага да се истакнеме онаму каде што другите не можат, но талентот може да предизвика и презир и завист кај другите.
Јапонците веруваат дека постојат три особини кои се поважни од интелигенцијата, талентот и убавината, а тоа се чувството за пропорција, трпеливоста и способноста да се молчи. Овие квалитети можат да ни бидат многу покорисни од интелигенцијата, талентот и убавината.
Трпението ни помага да не скршнеме од патот доколку не успееме. Ни помага да ја издржиме секоја непријатна ситуација, ни помага да станеме посилни и да го чекаме вистинскиот момент. Чувството за пропорција нѐ учи да не завидуваме, не учи како да се однесуваме кога имаме малку, а кога имаме многу. Способноста да молчиме ни помага да одржуваме добри односи со луѓето.
Тоа значи дека не ни треба секогаш интелигенција за да ги постигнеме нашите цели, туку трпение, способност да молчиме и чувство за пропорција, како што вели јапонската мудрост: „Во човечкиот карактер има три златни особини: трпение, чувство за пропорција и чувство на тишина. Овие квалитети понекогаш ни помагаат повеќе од интелигенцијата, талентот и убавината“.
