Шокантни вести доаѓаат од САД, поточно од таборот на Денвер Нагетс.
Имено, како што објави познатиот новинар Шамс Чараниа, еден од најдобрите играчи на актуелниот НБА шампион, Арон Гордон, бил искасан од куче.
Како што е наведено, тој се здобил со повреди на лицето и раката откако на Божик бил нападнат и каснат од куче. Значи дека инцидентот се случил по натпреварот меѓу Денвер Нагетс и Голден Стејт Вориорс, во понеделникот, кој се играше во попладневниот термин во САД.
Нагетс пренесуваат дека Гордон се здобил со сериозни повреди на главата и десната рака, но дека моментално е во добра состојба.
„Арон Гордон се здоби со расекотини на лицето и раката како резултат на каснување од куче на 25 декември. Арон е во добра состојба и ќе остане надвор од тимот додека целосно не закрепне“, се вели во соопштението на клубот.
Потоа новинарот Чараниа објави дека Гордон заработил дури 21 конец на лицето и десната рака.
Арон Гордон има 26 години, а во Денвер пристигна во 2021 година од Орландо Меџик.
Сезонава одигра 28 натпревари и има просек од 13,6 поени по натпревар со 6,8 скока и 3,4 асистенции.