Маерс-Бригсовиот тест е еден од најкористерните тестови за личност во светот. Се базира на 93 прашања и според него луѓето се групираат во еден од 16-те можни типови на личност. Го развил аналитичкиот психолог Карл Јунг, а често им се дава на кандидати за некое работно место.
Американките Кетрин Кук Бригс и нејзината ќерка Изабел Бригс Маерс инспирирани од книгата „Psychological Types“ на швајцарскиот психијатар Карл Густав Јунг го создале тестот кој го нарекле според нивните презимиња - Myers-Briggs Type Indicator (MBTI). Почнале да го прават за време на Втората светска војна, а го завршпиле во 1944 година. Иако и двете биле школувани, ниту една формално не учела психологија.
Овој тест се базира на 4 спротивни типови - екстроверт (E) или интроверт (I), сензуален (S) или интуитивен (N), логичен, мислител (T) или чувствителен (F), склон кон предрасуди (J) или отворен (P).
На пример, доколку сте интровертна личност која не се чувствува добро во големо друштво, ретко излегувате и имате мал круг на пријатели, а згора на тоа почесто во животот ја пратите интуицијата отколку разумот, иако знаете да бидете навистина логични при носењето одлуки и решавањето проблеми, а кон другите луѓе сте отворени и не им судите додека добро не ги запознаете, вашиот тип на личност е INTP.
Доколку вашиот тип на личност е INFJ, тогаш вие сте меѓу едни од најретките личности во светот.
Само 1,5% од луѓето на планетава припаѓаат во оваа категорија, велат анализите од досегашните испитувања на личност според категоризирањето на сите направени тестирања.
Според Маерс-Бригсовиот тест таквите луѓе се интровертни, интуитивни, чувствителни и склони кон предрасуди. Многу се резервирани, но и посветени на пријателите, како и емпатични лидери. Морални се и упорни и секогаш чашата ја гледаат полуполна. Радо се дружат се неколкумина кои им одговараат и добро знаат да ислушаат. Поради интровертноста тешко се запознаваат со други луѓе, а резервирани се кон непознати личности.
Од познатите луѓе кои според тестот излегле личност со тип INFJ се поранешната американска прва дама Еленор Рузвелт, поранешниот американски претседател Џими Картер, активистот Махатма Ганди и писателот Фјодор Достоевски.
Од друга страна, пак, најпопуларен тип на личност е ISFJ.