Доведувањето на Хари Кејн не би било паметен потег за челниците на минхенскиот клуб, па затоа треба да се насочат кон помлад играч, како Виктор Осимхен од Наполи, смета легендарниот играч на овој клуб, Лотар Матеус.
Поранешниот либеро во авторскиот текст на германското издание на веб-страницата Sky Sport напиша дека смета дека ангажирањето на Нигериецот би било многу подобар потег за неговиот поранешен клуб.
„На Баерн му треба квалитетен напаѓач, тоа веројатно им е јасно на сите, но според мене треба да заборават на Хари Кејн. Англичанецот е добар играч, но тој е премногу стар и чини многу. Мислам дека клубот треба да се сврти кон други решенија“, напиша Матеус и потоа презентираше два конкретни предлози.
„На пример, тоа може да биде Виктор Осимхен, кој игра фантастично во Наполи, или можеби Никлас Филкруг од Вердер, кој во Минхен би постигнал 20-15 гола во една сезона. Клубот треба да размисли за нив“.
Матеус нагласи и дека верува оти неговиот поранешен клуб може да го совлада Манчестер Сити во четвртфиналето од Лигата на шампионите, без разлика што англискиот тим има 3:0 од првиот натпревар:
„Чуда се случуваат од време на време. Верувам дека едно може да се случи сега“.