Кошаркарите на Милвоки Бакс прославија рутиска победа против Атланта Хокс со резултат од 125:91 и израмнија на 1-1 во полуфиналната серија на Истокот.
Во „Фајсерв Форум“ арената во Милвоки ноќеска домашните Бакс извојуваа победа од 34 поени разлика со која многу полесно од очекувањата го израмнија вкупниот резултат откако во петокот загубија со 113:116 во воведниот натпревар.
Уште во првата третина Милвоки ја најави победата откако постигна 34 поени наспроти оние 28 на гостите, а на полувреме заминаа со водство од 32 поена отккоа во втората третина забија дури 43 поени.
Предводник до победата беше грчкиот кошаркар од нигериско потекло, Јанис Андетокумбо кој натпреварот го заврши со 25 поени, 9 скокови и 6 асистенции.
Во противничкиот табор најдобар беше Тре Јанг со 15 поени, 7 скокови, 8 асистенции и учинок 6 кошеви од 16 обиди, што говори колку очајна беше Атланта.
Ноќва од 3 часот по полнок во „Стејплс Сентр“ во Лос Анџелес се игра четвртиот натпревар од второто источно полуфинале, а се среќаваат Лос Анџелес Клиперс и Феникс Санс (2-1).