Жесток инцидент се случи на натпреварот Голден Стејт Вориорс - Минесота Тимбервулвс каде главни актери беа Дрејмон Грин и Руди Гобер.
Циркусот се случи на исткекот на втората минута. Во клинч влегоа најпрвин Клеј Томпсон и Џејлен МекДениелс. Додека двајца се влечеа, Гобер веројатно се обиде да ги раздели, а потоа се вмеша и Грин.
Играчот на Голден Стејт го фати за врат во лост, т.н. гилотина, од која Гобер успеа да го извлече Карл-Ентони Таунс со помош на тренерот.
На крајот исклучени беа Томпсон, МекДениелс и Грин, а Гобер остана на теренот и му помогна на тимот да победи (104:101).
Гобер по натпреварот рече дека Грин се однесувал како кловн.