Во рамките на подготовките за МундоБаскетот, репрезентацијата на Словенија ја совлада Црна Гора со 104:100 благодарение на уште една феноменална партија на Лука Дончиќ.
Првата ѕвезда на Словенија го предводеше својот тим до нова победа во рамките на подготовките за МундоБаскетот, кој на крајот на летото ќе се игра во Јапонија, Филипини и Индонезија.
Центарот на Далас Маверикс постигна 34 поени, од кои една тројка беше спектакуларна. Запиша трипл-дабл учинок бидејќи додаде и 13 скока и 14 асистенции.
Публиката во салата „Стожице“ во Љубљана се крена на нозе во последните секунди од првата четвртина кога Дончиќ погоди феноменална тројка.
Во самиот финиш на нападот упати удар од околу 11 метри и преку рацете на играчот кој го чуваше и го погоди кошот „без коски“.
На овој меч Дончиќ имаше помош од Клемен Препелич, кој додаде 17 поени. На другата страна Михаиловиќ беше подобар од останатите со 26 поени.
Словенија на МундоБаскетот ќе игра во група со Венецуела, Грузија и Зелен 'Рт и важи за голем фаворит.
