Англичаните имаат натпревар на домашен терен против Исланд, но новите мерки за заштита од коронавирусот наложени од британската Влада им забрануваат на Исланѓаните да дојдат на Островот. Решение - да се игра во Албанија.
Исланѓаните немаат забрана за влез во Обединетото Кралство, туку проблемот е сосема друг. Репрезентацијата на Исланд прво гостува во Данска в недела, а токму тоа гостување е проблематично. Имено, во Данска има ширење на епидемијата од визони на луѓе и поради тоа Обединетото Кралство донесе забрана за влез на своја тереторија на секој кој доаѓа од оваа земја. Бидејќи Исланд од Данска треба да дојде во Англија ден после натпреварот, забраната важи и за Исланѓаните.
За УЕФА, проблемот тука не е во Исланд и доколку натпреварот не се одигра Исланѓаните ќе победат со службени 3:0.
ФА бара од британската Влада да се направи исклучок за исландските фудбалери, а моментално бара и друго решение, како план Б, за играње во друга земја.
Во меѓувреме, стигна понуда од Албанија која се понуди да биде домаќин на натпреварот, поточно на новиот „Ер Албанија“ стадион во Тирана.
Англичаните ја разгледуваат и опцијата да бидат домаќини некаде во Германија, дестинација кои повеќе им одговара од Албанија поради близината.
Англија и Исланд треба да играат на 18-ти во рамките на последното коло од Групата 2 во Лига А од Лигата на нации.
