Македонската женска ракометна репрезентација синоќа убедливо триумфираше над Литванија со 31:21 (15:12) и на едно до крајот на квалификацискиот турнир во Скопје речиси го обезбеди настапот во баражот за пласман на Светското првенство што во декември ќе се одржи во Шпанија.
По завчерашниот триумф над Исланд со 24:17, избраничките на селекторот Симе Симовски одиграа уште еден супериорен натпревар во кој целосно доминираа над противникот.
Сара Ристовска со 8 голови повторно беше најефикасна во македонската репрезентација, додека голманскиот тандем Серафимова – Мицевска запишаа по 6 одбрани.
Квалификацискиот турнир во салата „Борис Трајковски“ во Скопје, македонските ракометарки ќе го заокружат денеска со натпреварот против Грција, во обид со максимални три победи да ја дочекаат жрепката за мундијалскиот бараж в понедлник.
Табела:
- Македонија 4 (55:38)
- Исланд 2 (48:43)
- Литванија 2 (48:57)
- Грција 0 (45:58)
Денес играат:
17 ч. Грција - Македонија (пренос на МРТ1)
19 ч. Исланд - Литванија
