Додека Западот воведува санкции поради руската инвазија на Украина, а бројни светски компании моментално ги запираат бизнисите во таа земја поради што илјадници луѓе останаа без приходи, некои Руси ситуацијата ја доловија на саркастичен начин.
Така, руската инфлуенсерка Наташа Краснова објави видео во кое им се потсмеа на Американците за наметнатите санкции.
„Здраво Американци, јас сум Наташа од Русија. Сакам да ви се заблагодарам на сите ваши санкции, за тоа што ги исфрливте компаниите како Coca-Cola, KFC, McDonald's од нашата земја. Ние разбираме дека вие се грижите за нашето здравје и затоа ние ќе бидеме посилни и поубави“, го започна обраќањето таа.
„Но, затоа и ние се грижиме за вас, па го прекинавме нашиот гас така што сега мора да пешачите наместо да ги користите автомобилите. Не треба да се заблагодарувате. Жал ми е, но морам да одам да ја нахранам мојата мечка, да пијам вотка и да свирам на балалајка. Се гледаме подоцна. Од Русија, со љубов“, порача Наташа саркастично.
Освен McDonald's, со работа во Русија привремено запреа IKEA, H&M, Zara, Coca-Cola, Starbucks и многу други компании.
