Откако Хари Кејн го промаши пеналот против Франција интернетот се наполни со шеги на негова сметка, но се чини дека го имаме победникот - и тоа вистинско видео на кое тој и познат англиски рагбист шутираат пенали.
Twitter профилот Troll Football објави урнербесно видео кое на многумина им го разјасни небесниот удар на Хари Кејн кога го промаши вториот пенал против Франција во четвртфиналето од Мундијалот во Катар. Со тоа промашување Англија не успеа да израмни на 2:2 и испадна, а Кејн стана трагичар.
На видеото се појавуваат тројца ликови од кое едниот на сите им е познат - Хари Кејн. Таму е и британскиот комичар Бишоп, кој има улога на тренер, како и рагбистот Џони Вилкинсон, кој со Кејн шутира пенали. Всушност, се работи за еден од најдобрите рагбисти на сите времиња, кој, нормално, за фудбалските љубители е тотален анонимус.
Прво Кејн успешно погодува шутирајќи доле лево, на што Вилкинсон загрижено му приоѓа.
– Не, не, грешиш, на што а Кејн враќа:
– Но, влезе, па Вилкинсон додава:
– Дај да ти покажам.
Рагбистот ја мести фудбалската топка како да ќе изведува рагби дроп-кик и шутира високо над пречката.
– Промаши за милја, вели Кејн.
– Ама јас така освоив Мундијал за Англија, му враќа Вилкинсон.
Потоа и Кејн ја мести топката на истиот начин и го копира ударот на Вилкинсон, праќајќи ја топката кон небото.
Џони Вилкинсон навистина ѝ донесе на Англија титула светски првак со таков удар. Тоа се случи на Мундијалот 2003 кога со 20:17 ја победија Австралија во финалето во Сиднеј. Токму Вилкинсон беше играч на натпреварот постигнувајќи дроп-гол со десна на 28 секунди до крајот.