Зголемената температура на телото резултира со потење кое доведува до претерано губење телесни течности, а дури и малиот недостиг на течности може да предизвика физичка неудобност како намалена концентрација, мачнина, вртоглавица или главоболка.
Кај почувствителните луѓе може да дојде до проблеми со крвотокот, а на дехидратација особено се чувствителни децата, повозрасните луѓе како и луѓето со ослабен имунолошки систем.
Што се случува во нашето тело во текот на високи температури?
- крвните садови се шират поради што притисокот се намалува
- промената на крвниот притисок може да предизвика слабост и несвестица
- срцето чука забрзано, па може да дојде и до инфаркт
- крвта станува погуста што може да предизвика тромбоза, се намалува циркулаторниот обем
- со ладење на телото, односно преку потењето од телото се губат течности и електролити, а интензивното потење може да предизвика топлотни грчеви и исцрпеност.
- УВ зрачењето може да предизвика создавање на промени на кожата
- УВ зрачењето може да предизвика развој на катаракта на очите
Препорачаната дневна доза течности зависи од повеќе фактори како телесна маса, возраст и ниво на телесна активност. Потребата за течности, освен со вода, може да се задоволи и со цеден сок од овошје и од зеленчук, бистри супи, незасладени топли и ладни чаеви, негазирани пијалаци или млеко.
Се советува избегнување кофеин, теин и алкохол, како и засладени пијалаци, бидејќи поттикнуваат излачување течности од организмот. Ако потењето е интензивно, за брзо обновување на изгубени електролити најдобро служат изотонични пијалаци.
Многу е важна и исхраната, треба да биде богата со овошје и зеленчук. Масната храна го засилува потењето и може да предизвика дехидрација, па најдобро е да ја избегнувате.
Носете лесна облека, туширајте се со млака вода и може да ставате ладни облози на телото.