Најдобриот светски тенисер со победа ја отвори сезоната на земјена подлога во Европа.
Откако во 1. коло беше слободен, Новак Ѓоковиќ денеска во 2. коло на Ролекс Монте-Карло Мастерсот го совлада талентираниот 19-годишен италијански тенисер Јаник Синер со 2:0, по сетови 6-4 и 6-2.
Натпреварот траеше час и 34 минута за кои тинејџерот пружи одличен отпор и покажа дека не случајно претходно стигна до финалето на мастерсот во Мајами. Синер моментално е на 22. место на АТП ранг-листата.
Ѓоковиќ во осминафиналето во Монте Карло в четврток ќе игра со Британецот Даниел Еванс (33-ти) кој предмалку со 2:0 (6-4, 6-1) го победи Полјакот Хуберт Хуркач (16-ти).
