Досега незабележан скандал се случи на меч од второто коло на Австралија Опен. Една навивачка е отстранета од трибините откако го испровоцира Рафаел Надал со нејзиното непристојно однесување.
Жената во неколку наврати му дофрлаше на шпанскиот ас додека тој играше против Мајкл Мо, а сето тоа кулминираше во завршницата кога навивачката му покажа среден прст на тенисерот.
На инсистирање на судијата, жената беше отстранета од трибините од страна на обезбедувањето. Рафаел Надал со чудење го следеше нејзиното однесување, додека таа беше насмеана кога обезбедувањето ја отстрани надвор.
По овој скандал, шпанскиот тенисер експресно го освои првиот, го доби и вториот сет , а на крајот триумфираше со 6 : 1, 6 : 4, 6 : 2.
