Психологот Михаил Лабковски смета дека среќниот семеен живот и бракот зависат само од една работа која се однесува на двата партнери.
„Гаранцијата за среќен семеен живот, брак и секс со еден партнер е во една работа – стабилна психа. Кога некој има стабилна психа, може целиот живот да живее само со еден партнер и да го сака само него“, смета Лабковски.
Кога ќе се појават проблеми во бракот, многу луѓе ги игнорираат, сметаат дека станува збор за фаза што брзо ќе мине. Но, колку повеќе се туркаат под тепих, толку во поголем облик проблемите ќе испливаат на површина.
„Жената никогаш не треба да толерира работи кои не и се допаѓаат. Треба веднаш да каже што мисли за тоа, а ако мажот не се промени, треба да се раздели од него“, советува психологот.
Затоа е многу важна комуникацијата, да се разговара за работи кои им сметаат на партнерите и заедно истите да ги менуваат. Меѓусебно да се поттикнат на развој и позитивни промени, без да се плашат да го кажат своето гледиште. Менталната хигиена е исклучително важна и треба да се негува.