Доколку сакате да бидете среќни, морате да се сакате самите себе. Проблемот е што кај многумина тоа не е така едноставно и лесно.
Ако некоја личност се фали со своите достигнувања и успеси, тоа не значи дека таа се сака самате себе. Голем број на луѓе кои со ништо не се фалат и тивко го живеат секојдневниот живот можат да бидат полни со љубов кон себеси.
Кога една личност се сака самата себе најприсутни се следниве три особини:
Луѓето кои имаат позитивна слика за себеси не мораат своите вредности да ги докажуваат пред другите. Таквите луѓе не се докажуваат за да не бидат сметани за себични и дрски. Ги знаат своите вредности и се држат до нив.
Луѓето по природа се несовршени. Оние кои тоа го разбираат и ги прифаќаат личните недостатоци или грешки - по природа се позитивни. Се соочуваат со своите недостатоци, но не го губат позитивното мислење за себеси.
Постои изрека „јунаците на маката се познаваат“, а се толкува како со внатрешната сила да се преброди тежок период во животот. Таа сила не значи само борба на поединецот со своите потешкотии, туку и подготвеност да прифати помош кога му е потребна поради надминување на проблемите. Тоа не значи слабост и несигурност, туку, напротив, значи ментална сила, снаодливост и свесност за проблемите и сигурност во тоа како ќе се решат.
Самољубието не е трка до одредена цел. Тоа е начин на гледање во себе и значи да се живее својот живот најдобро што се може. Доколку учите од туѓите грешки, можете подобро да поминете, да зајакнете и ментално и психички, а со самото тоа и повеќе да се цените себеси.
Љубовта кон себеси зависи и од тоа дали правите работи кои ве исполнуваат. Неважно дали се работи за одмор, физичка активност, готвење, гледање телевизија или возење велосипед, таквите работи вашата љубов кон себеси ја прават посилна.
Кога сѐ ќе се собере и одземе, основата на љубовта кон себеси е самоприфаќањето и самосожалувањето. Поседувањето на тие квалитети значи дека се сакате самите себе.
