Со оглед на тоа што договорот со Барселона му истекува ова лето, иднината на Аргентинецот е сѐ уште неизвесна.
Хавиер Занети би можел да го искористи својот шарм за да го намами својот поранешен соиграч од репрезентацијата на Аргентина во Интер, смета Хуан Себстијан Верон, исто така некогашен соиграч на двајцата.
„Не верувам дека би одел во Италија. Но, доколку го стори тоа, би било само поради Хавиер Занети, кој добро го познава и би се обидел да го наговори, да направи повторно да се чувствува важен објаснувајќи му го клупскиот проект“, вели Верон говорејќи за Stats Perform News.
Занети и Меси шест години настапуваа заедно во репрезентацијата, период во кој Занети беше и капитен. Откако се пензионираше работи како потпретседател во Интер.
„На крајот одлуката е сепак целосно на Меси. Но, доколку Интер сака да се обиде да го ангажира, ќе мора да го заведе и да се обиде преку неговото срце“, додава Верон.
На Меси му недостасува уште еден настап во репрезентацијата за да се израмни со Занети на второто место на вечната листа каде Хавиер има 143 натпревари, додека Лео има 142. Прв е Хавиер Масчерано со 147 натпревари, но и тој наскоро ќе биде престигнат од Меси.
„Не би знаел уште колку години Меси сака да игра на ова ниво, но ако Интер сака да го донесе мора да му стави дознаење дека тој ќе биде лидерот и дека имаат намера клубот да биде на самиот врв“, заврши тој.
Верон играше заедно со Занети две сезони во Интер, додека со Меси беше соиграч во репрезентацијата пет години, истиот период кога играше и Занети.