Зелката е тревнат зеленчук од семејството на ливкасците, а во исхраната се користи уште од праисторијата. Има одлични лековити својства, па затоа се препорачува нејзино консумирање во текот на целата година, особено во текот на зимата.
„Зелката е неверојатен зеленчук бидејќи има малку калории и многу полифеноли и антиоксиданси, вклучително и витамин Ц. Исто така е богата со влакна и може да прими и други вкусови, што ја прави совршена за пржење“, вели Амбер Панконин, регистриран диететичар и уредник на блогот за храна Stirlist.
Може да помогне да се спречат одредени видови на рак и да се намалат воспаленијата.
„Антиоксидансите помагаат да се неутрализираат слободните радикали во телото кои можат да предизвикаат оксидативен стрес кој може да предизвика рак, срцеви заболувања или макуларна дегенерација. Исхраната богата со зеленчук како што е зелката би можела да помогне да се намали ризикот од хронични болести“, додава Панконин.
Не само што е хранлива, туку е и многу лесна за подготовка и достапна за повеќето луѓе, пишува EatThis.
