Јагодите на многумина им се омилено овошје, имаат сладок вкус, идеални се за подготовка на разни десерти и симболизираат љубов. Кога чистите јагоди, веројатно ги фрлате зелените стебленца. Сепак, многу експерти од народната и природната медицина истакнуваат дека стебленцата од јагодите може да имаат различни придобивки за здравјето и убавината.
Стеблата, односно листовите од јагоди се богати со големо количество на витамин Ц. Со нив се подготвуваат чаеви кои делуваат против стрес, умор, лошо расположение, а позитивно делуваат и на здравјето на бубрезите.
Исто така, стебленцата од јагоди се користат како природно средство за зачувување на младоста. Кога ќе се измешаат, може да се користат како маска против брчки на лицето и вратот. Листовите од јагоди се погодни и за нега на коса.
На регулација на шеќерот во крвта позитивно делуваат и стебленцата од јагоди, но важно е да се користат само јагоди од органско потекло.
Во 300 милилитри зовриена вода ставете една лажица измиени и исечкани стебленца и оставете да отстои 20 минути. Потоа се цеди и се остава да се излади. Се препорачува да се пие по една шолја два пати на ден.