Ако разговарате сами со себе тоа покажува дека сте полни со самодоверба, дека имате искуства во животот и дека сте свесни да можете да сметате на себеси кога ќе дојде време да сфатите што е најдоброто за вас, тврдат психолози.
Според студија на психолози, ова се предностите кога зборувате сами со себе:
Мозокот подобро работи
Во еден експеримент психолозите замолиле 20 волонтери да одат во супермаркет, а претходно им набројале што треба да купат. Во првиот дел од експериментот учесниците биле должни дадените задачи да ги извршат во тишина, додека во вториот дел наглас повторувале што треба да купат. Испаднало дека оние со повторувањето наглас успеале да запаметат повеќе артикли.
Психолозите велат дека оваа метода помага само ако се работи за предмети познати од претходно. На пример, знаете дека бананата е жолта и има одреден облик, а со повторување се активира визуализација во мозокот. Но, ако повторувате нешто што не можете ни да го замислите, тогаш тоа може да ве збуни и забави.
Се организираат мислите
Разговорот сам со себе наглас помага во организација на хаотичните мисли во главата. Ако наглас изговарате проблеми и се слушате самите себе, тоа ќе ви ги смири нервите, тврдат психолозите.
Полесно се доаѓа до целта
Психолозите тврдат дека со повторувањето наглас доста подобро се фокусирате на целта, подобро се контролираат емоциите и полесно се движат понатаму кога ќе наидат на препрека.
