Не постои формула што треба да ја следите за да доживеете оргазам. Мастурбацијата ќе ве научи што ви помага за да доживеете оргазам.
Патот до оргазмот се крие во откривањето на внатрешните желби на телото, со разоткривање на телото ќе откриете како да постигнете оргазам. Некои жени постигнуваат оргазам со стимулација на клиторисот, некои со вагинална пенетрација, а некои со нивна комбинација.
Со мастурбација, жените градат сексуална самодоверба која ќе им овозможи полесна комуникација со партнерот. Ќе стекнат храброст да кажат што им се допаѓа во сексот, односно што не им се допаѓа.
„Мастурбацијата е најважниот облик на сексуална активност и можност за самодоверба во сексот. Низ мастурбацијата ќе научите што ве задоволува и што ја ослободува вашата сексуална креативност. Не мора да мислите на некој друг, ниту да се плашите од критики од партнерот, насочете се исклучиво на себе и правете го тоа што ве задоволува“, вели Бети Додсон, авторка на книгата „Sex for One: The Joy of Selfloving“.
Авторката смета дека мастурбацијата е најбезбедниот секс кој може да го имате, особено во време кога владеат болести. Многу е важно да ја практикувате и со партнерот, така подобро ќе се запознаете и ќе го зачините вашиот сексуален живот.
Мастурбацијата е безбеден начин на сексуално задоволување и во бременоста, но ги смирува и менструалните грчеви.
„Доведувањето до оргазам со мастурбација ќе ви помогне полесно да заспиете“, тврди авторката
Со мастурбацијата ќе ја засакате вашата сексуалност и нема да мора да се срамите од вашите полови органи. Дебелината и должината на пенисот кај мажите варираат, исто како и клиторисот кај жените. Обликот, големината и бојата на пенисот се менуваат, како и кај клиторисот. Врвот на пенисот или клиторисот може да биде остар, нерамен на рабовите или рамен.
Авторката советува дека сексуалните желби не треба да се воздржат. Кога ќе почувствувате желба, важно е да ја задоволите, но тоа не мора да биде веднаш. Ако ви се појава сексуална желба додека сте на работа или во момент кога не може да мастурбирате, секако задоволете ја кога ќе дојдете дома. Сексуалното задоволство ќе ве направи посреќни и поопуштени, па мастурбацијата се препорачува кога сте под стрес или кога сте пред нешто што може да ви предизвика стрес.
„Не треба да се срамите од мастурбацијата, луѓето се сексуални суштества и не се единствени кои мастурбираат. За тоа не мора да зборувате со сите, но можете со најдобрите пријатели. Тие сигурно ќе ви препорачаат нешто ново да пробате, нешто што можеби ви недостига за постигнување оргазам секогаш кога ќе посакате“, смета авторката.
