Модерното општество ги промени правилата за пронаоѓање партнер и започнување љубовна врска. Променета е природата на љубовните врски, но и самата дефиниција на љубовта.
И додека над 80 проценти од луѓето задоволителниот однос со партнерот ќе го наведат како еден од темелите за лична среќа, бројот на самци никогаш не бил поголем.
Колку и да звучи контрадикторно, изгледа дека зголемената слобода на избор и идеал резултира со помалку среќни парови, а со се повеќе луѓе страдни за љубов.
Филозофот и писател Пол Хадсон за Ели Дејли оддели 10 причини кои тој ги гледа како главни виновници за недостигот на љубов во денешно време.
- сè мора да биде веднаш и сега
- културата е изградена на пороци
- сè е секс и сексот е насекаде околу нас
- низ животот нè води егото
- врски без надеж и љубов
- никој не е подготвен на компромис
- нереални очекувања
- секогаш има некој друг кој е подобар
- сè за целта
- повеќето луѓе не знаат да сакаат
„Љубовта е многу конфузна работа, таа е променлива и комплицирана“, смета Хадсон. „Луѓето не се подготвени на жртва, станаа пресметливи и мерат колку некој друг направил за нив за случајно тие не направат повеќе за него. Имаме љубовни резерви во случај да останеме сами, глумиме дека сме некој друг и му угодуваме на партнерот во сè само за да не нè отфрли.“, наброи тој некој од проблемите.
Советува дека љубовта е вештина која се учи и не е срамота да признаеме дека не знаеме да сакаме.
„Срамота е да кажеме дека знаеме сè и не се трудиме, а за недостиг на љубовта ја обвинуваме судбината“, вели Хадсон.
