Со доаѓањето на зимата дојде и зголемување на бројот на заразени со коронавирус, а постуденото време, празничните собири и пазарењето се причина за повеќе инфекции, но и повеќе хоспитализации низ светот.
Дополнително, додека делтата сè уште е доминантна, се појави нова варијанта на вирусот наречена омикрон, која се шири исто толку брзо, а научниците се обидуваат да откријат колку е опасно.
Како да се справите со сето ова и како да се заштитите од инфекција, советуваше Скот Готлиб, поранешен комесар на американската Администрација за храна и лекови (ФДА).
Заразата се шири, како да останеме здрави?
Најлесен начин да се заштитите е да носите маска. Експертите посочуваат дека ова е само привремена мерка со која може да се зачуваат здравствените системи. Поради зимата луѓето почесто остануваат во затворени простории, а токму тоа треба да се избегнува. Но, ако е потребно, тогаш никаде без маска.
Болниците главно се полни со невакцинирани
Речиси половина од населението сѐ уште не е целосно вакцинирана. Колку невакцинираните може да се обвинат за ширење на инфекцијата или нешто друго го поттикнува ова зимско ширење?
Од потешка форма на болеста секако во многу поголема мера страдаат невакцинираните, посочуваат експертите. Ширењето на инфекцијата секако постои кај вакцинираните, а особено кај оние кои сѐ уште не примиле бустер доза.
Но, во споредба со минатата година во ова време имаше многу повеќе хоспитализирани во светот, а тоа може да се припише само на вакцината. Вакцинацијата дефинитивно влијае на намалениот број на хоспитализации и тешките форми на болеста кои не треба да се занемарат.
Омикрон превладеа над делта
Прашањето за омикрон е сè уште отворено и сè уште е под истрага. Експертите велат дека е тешко да се споредат земјите бидејќи имаат различни вакцини.
Можеби ќе бидат потребни повеќе бустер дози
Шефот на Pfizer рече дека можеби ќе биде неопходна четврта доза вакцина. Ова е особено точно за имунокомпромитирани лица и хронични пациенти кои можеби нема да можат да одговорат на вирусот како што треба.
Исто така, постои можност вакцината против COVID-19 да ја добиваме на годишно ниво.
Како да се спасите од инфекција?
Најдобро е да се следат советите на здравствените експерти во пандемија, а пред сè - да се вакцинирате. Покрај тоа, носењето маски, избегнувањето патување, држењето растојание, избегнувањето големи собири, избегнувањето затворени простори и засилената хигиена навистина може да биде доволно за да се заобиколи омикрон варијантата.
