Елиф Елмас синоќа го реши натпреварот против Милан, а Стефан Ристовски откри интересен разговор помеѓу нив двајца на Instagram.
Со гол со глава по еден корнер уште во 5. минута од дербито на „Меаца“, нашиот Елмас му донесе победа на Наполи на гостувањето кај Милан и го презеде 2. место на табелата токму од „Росонерите“.
Колку Елмас бил возбуден што ќе биде во првите 11 на Лучано Спалети, говори и разговорот кој го откри неговиот соиграч од македонската репрезентација и нејзин капитен, Стефан Ристовски.
Ристовски му пишува: „Ќе гори 'Сан Сиро' (прекарот на стадионот 'Меаца' според населбата во која се наоѓа, заб. на авт.)“, а на тоа Елмас враќа „Паметам 2010 кога бате Горан ме донесе, прв пат со солзи го гледав, сега играм тука, пи*ку матер“. „Даааа... тоа е фудбалот брат“, враќа Ристовски.
