Кога ќе го печете овој сладок леб со тиква, целата куќа ќе замириса на есен, а бидејќи е сочен и превкусен, често ќе го има на вашата трпеза.
Искористете ја сезоната на тиква и направете го овој сладок леб што може да го послужите и како десерт, а во секој случај е деликатес.
Потребни состојки:
2 јајца
50 мл маслиново масло
50 мл мед
100 грама пире од тиква
2 лажици згмечена банана
Кафеав шеќер
Малку сол
2 кафени лажички прашок за печење
Цимет
½ шолја вода
1 шолја овесни снегулки
100 грама бадемово брашно
250 грама сенаменско брашно
Подготовка:
Загрејте ја рерната на 180 степени Целзиусови и ставете го внатре калапот за леб.
Измешајте го пирето од тиква со јајцата, бананата, медот и маслиновото масло.
Додадете ги шеќерот, прашокот за печење, солта, циметот и промешајте.
На смесата додадете ги овесните снегулки, бадемовото и сенаменското брашно.
Ставете ја смесата во калапот за леб и печете околу 40 минути.
По желба, ако сакате повеќе да наликува на колач, откако ќе се олади премачкајте го со шлаг пена и декорирајте со семки од тиква.
