Новак Ѓоковиќ зборуваше отворено пред медиумите за тоа како се справува со големиот притисок и очекувањата и зошто има таков излив на емоции кои го следат во текот на целата кариера.
Српскиот тенисер е познат по тоа што некогаш за време на натпреварите има потреба да ги исфрли фрустрациите, најчесто вреска и испушта крици. Ова му помага да игра подобро, да се смири или фокусира.
Новак објаснува дека тоа му доаѓа природно и дека не може да се контролира.
„Не сум робот, имам чувства и „торнадо“ од емоции на терен и понекогаш ми е потребно да бидам фокусиран и затворен, понекогаш ми е потребно да се ослободам од емоциите и да продолжам, објаснува Ѓоковиќ. Се случува пресврт и кога сум целосно смирен, ми се случило и да изгубам кога имам некои испади“, вели светскиот рекет број 1.
Ѓоковиќ вчера го победи Буста и се пласираше во полуфиналето на Ролан Гарос.