Новак Ѓоковиќ е повторно на суд со Австралија која по втор пат му ја одби визата.
По новото сослушување одржано утрово по наше време, Ѓоковиќ е вратен во имиграциски притвор во злогласниот хотел Парк, во кој претходно беше откако граничните служби на аеродромот му ја укинаа визата поради невакцинација против коронавирусот.
Објавата на конечната одлука е предвидена за 23:30 по средноевропско време.
Новинарката Лана Марфи соопшти дека Ѓоковиќ веќе пристигнал во хотелот.
Истовремено, околу 200 поддржувачи на тенисерот се собраа пред арената во која од понеделник ќе се игра на Австралија Опен.
