Јазикот на интровертот и екстровертот е многу различен, а сосема непознат човек може да погоди каков темперамент имате само од читање на вашите твитови или објави на социјалните мрежи.
Зборовите кои ги користите – именки, глаголи, придавки, па дури и брзината со која зборувате може да остави впечаток за вашата личност.
На пример, луѓето кои повеќе излегуваат имаат поголема веројатност да зборуваат побрзо и погласно. Но, постојат и други начини на говор и изразување кои ќе ви помогнат да одредите нечиј карактер.
Јазикот на интровертот има тенденција да биде поапстрактен
Интровертите сакаат да користат поапстрактни и нејасни зборови, додека другите се поконкретни во термините. На пример, кога некој сака да препорача книга, може да звучи поинаку.
Екстровертите би рекле дека книгата е одлична, додека интровертните дека книгата е многу информативна.
Екстровертите повеќе користат зборови кои изразуваат задоволство
Ако интроверти седат заедно и разговараат, постои голема шанса да почнат да зборуваат за решавање проблеми како на пример „морам да ја променам кујната во новиот стан, премногу е стара“.
Но, кога разговараат екстроверти, сакаат да покријат многу теми и сакаат теми за животни задоволства како „ми се допаѓа големава дневна соба во мојот стан“.
Луѓето со отворен ум обично користат повеќе зборови во кои покажуваат сочувство
Начинот на кој бирате зборови може да открие колку сте отворена и дружељубива личност. Луѓето со отворен ум повеќе сакаат да користат реченици кои прикажуваат емоции и чувства.
Ако нивниот колега направил грешка или е вознемирен, ќе го тешат во стилот „Не биди тажен, само ти е потребно да кажеш што те мачи“.
Анксиозните луѓе имаат тенденција да користат зборови кои ја покажуваат нивната емоционална лутина
Во говорот на телото вклучуваат зборови на страв, загриженост и неволји. Почесто можат да зборуваат за лични работи во стилот „Во себе носам голема тага“.
Немојте да брзате со осуди, бидејќи секој понекогаш се чувствува лошо.
