За многу корисници на Facebook е важно колку „лајкови“ ќе добијат нивната најнова фотографија, објава или видео.
Сега се поставува прашањето колку мислењето на другите луѓе во виртуелниот свет влијае на самото расположение.
Научниците од Универзитетот во Јужен Велс решија подетално да ја проучат оваа тема во студија. Нивното истражување опфатило 340 испитаници преку Twitter и Facebook. Испитаниците пополнувале прашалници во кои требало да одлучат дали се согласуваат или не со 25-те изјави содржани во самиот прашалник, како „Поради вниманието што го добивам на социјалните мрежи се чувствувам добро“ или „Мислам дека личноста е популарна на врз основа на бројот на лајкови што ги добива“.
Авторот на студијата, д-р Мартин Граф, изразува голема загриженост за влијанието на социјалните мрежи врз нашето ментално здравје. Иако студијата не беше обемна, резултатите укажуваат на фактот дека начинот на кој комуницираме со социјалните мрежи може да влијае на нашите чувства и тоа не секогаш на позитивен начин.
Дали би сакале да ги скриете лајковите на Facebook и Instagram?
Научниците одлучија да ја спроведат студијата поради тврдењата дека Facebook ги анализира чувствата на ранливите тинејџери и дека добиените резултати ги проследува до огласувачите.
Ако некое лице ги избрише своите објави или ја промени фотографијата на профилот врз основа на тоа колку „лајкови“ има добиено, тоа може да укажува на недостаток на самодоверба. Активното барање „лајкови“ или дури и плаќањето за нив може да доведе до истите резултати. Исто така, голем број „лајкови“ не можат да ја подобрат нечија самодоверба или расположение.
Tоксични лајкови или зошто сѐ почесто размислувам за исклучување од социјалните медиуми
