Омилените плодови и на децата и на возрасните се дефинитивно јагодите. Сепак, експертите тврдат дека ова овошје не треба да се јаде во неограничени количини, во спротивно може сериозно да го загрози здравјето.
Јагодите се многу вкусни и можат да се консумираат во многу различни комбинации. Покрај тоа, тие се многу корисни за имунитетот и содржат голем број на витамини. Сепак, многу луѓе не се сигурни колку всушност е дозволено да се консумира на дневна основа.
Јагодите содржат 60 грама витамин Ц и биоактивна супстанција полифеноли, кои се моќни антиоксиданти. Се препорачуваат за деца и возрасни кои боледуваат од анемија, а содржат и фолна киселина, витамин Е, провитамин А, витамини Б, како и минералите манган, железо, калциум и магнезиум.
Иако се идеален десерт и освежување, треба да внимавате на количината што ја консумирате, особено кога станува збор за помалите деца кои можеби се алергични на ова овошје.
Не се препорачуваат за луѓе кои имаат проблеми со вишок килограми или високо ниво на холестерол и триглицериди во крвта. Дури и да немате здравствени проблеми, потребно е да внимавате колку од ова овошје секојдневно ќе внесувате во организмот.
Лекарите од британскиот универзитет во Оксфорд препорачуваат да ги консумирате само онолку колку што можете да соберете во раката, без додаден шеќер и само два или три пати неделно во периодот од 17 до 19 часот, пишува Medical Daily.
