Најголемиот оброк во текот на денот во сините зони е појадокот, а најмал вечерата. Но, постојат неколку намирници кои најдолговечните луѓе секојдневно ги јадат или пијат пред ручек или вечера.
Јаткастите плодови се вообичаена намирница во повеќето заедници во сините зони. Според National Geographic, утврдено е дека луѓето во Лома Линда кои секојдневно јадат јаткасти плодови имаат подолг животен век, пониско ниво на холестерол, понизок притисок од оние кои не ги јадат.
American Journal of Lifestyle Medicine наведува дека исхраната во сите пет сини зони се базира на билки, додека месо се јаде само повремено.
Авокадото е корисно за намалување на холестеролот и содржи 30 проценти повеќе калиум од бананите. Исто така е утврдено дека авокадото помага во контрола на тежината и го намалува ризикот од дебелина и дијабетес тип 2.
Освен папаја, жителите на Никоја на дневна база јадат и банани, овошје богато со калиум, витамин Ц и влакна. Консумирањето доволно влакна во текот на денот се клучен дел од здравата исхрана. Влакната можат да помогнат во намалување на ризикот од дијабетес, подобрување на здравјето на срцето, па дури и може да го намали ризикот од некои видови канцер.
И кафето се вбројува меѓу основните намирници во најздравите заедници во светот. Важно е да се пие кафе. Стогодишниците пијат црно кафе, без шеќер и млеко.
Ако не сте љубител на кафе, чајот е совршена алтернатива за вас. Во Окинава, Јапонија редовно се пие зелен чај во кој се додаваат јасмин и куркума.
Зелениот чај може да го намали ризикот од одредени видови карцином, да го поттикне метаболизмот, па дури и да го подобри здравјето на мозокот со текот на времето.