Две години по пандемијата, здравствените експерти забележаа промена во појавата на симптомите на COVID-19.
Покрај покачената телесна температура, главоболката и другите симптоми кои исто така се поврзани со настинка, најчест симптом на инфекција со коронавирус овие денови е болно грло.
Според доктор Тим Спектор, професор од лондонскиот Кралски колеџ, кој е и еден од основачите на апликацијата за истражување на COVID-19, две третини од заразените имаат болки во грлото.
Во извештајот што го пренесува Independent, овој доктор вели дека овие денови ретко се забележуваат треска и губење на мирис и вкус кај луѓето. Од друга страна, губењето на апетитот сè уште е еден од типичните симптоми на COVID-19.
„Во раните фази на пандемијата, губење на апетит беше пријавено од околу три од десет возрасни лица со COVID-19, што се зголеми на околу четири од десет луѓе на возраст над 65 години“, вели д-р Спектор.
Други вообичаени симптоми
Други симптоми на COVID-19, кои исто така често се забележуваат кај луѓето се течење на носот, главоболка, кивање, постојана кашлица, отежнато дишење, а понекогаш и висока телесна температура.
Заморот е симптом кој постои кај заразените лица за време и по COVID-19 и моментално се смета за главен показател за долг ковид, односно состојба во која симптомите остануваат видливи со недели или месеци по инфекцијата.
Покрај горенаведените симптоми, не треба да се игнорираат дијареа, болки во градите, зуење во ушите, проблеми со спиењето, губење на меморијата и концентрацијата.
Потешко откривање на случаи, полесно ширење
Иако покачената температура од почетокот се сметаше за примарен симптом на COVID-19, сега отсуството на температура не значи дека немате ковид. Веќе болно грло и блага главоболка значат можност да сте се заразиле со вирусна инфекција.
Згора на тоа, високата температура и губењето на сетилото за мирис сега се навистина ретки, поради што многу постари луѓе понекогаш мислат дека немаат COVID-19, туку настинка.
Недостатокот на свесност за симптомите го забавува темпото на тестирање и надзор. Луѓето кои досега се запознаени само со симптомите на инфекцијата не се тестираат и како резултат на тоа, инфекцијата продолжува да се шири.
