Направете ролат со пишкоти и чоколаден фил и израдувајте го вашето семејство.
Ролатите, без разлика дали се солени или благи, се добредојдени на секоја празнична трпеза. Кога една домаќинка сака да ги покаже своите вештини, прави ролат. Во продолжение прочитајте како се подготвува ролат со пишкоти, чоколаден фил и лешници. Лесен и кремаст, ќе се стопи в уста, а подготовката воопшто не е комплицирана.
Потребни состојки:
- 300 гр пишкоти
- 150 мл млеко
За филот:
- 500 мл млеко
- 15 гр ванилин шеќер
- 50 гр шеќер
- 80 гр пудинг од ванила
- 250 гр крем сир
- 300 мл слатка павлака
За карамелизираните лешници:
- 100 гр лешници
- 100 гр шеќер
- 100 гр нутела
За украсувањете:
- нутела
- лешник
- фереро роше
Подготовка:
На проѕирна фолија наредете ги пишкотите (3 реда по 10 пишкоти). Во млекото додадете шеќер и пудинг, па варете со постојано мешање додека не се згусне. Покријте со проѕирна фолија и оставете да се излади. За тоа време изматете ја слатката павлака со ванилиниот шеќер и додадете го крем сирот, па соединете со миксер. Потоа додадете го изладениот пудинг кој сте го изматиле и премачкајте го преку пишкотите. Растопете го шеќерот, па додадете ги лешниците и измешајте. Потоа добиената смеса истурете ја на хартија за печење и оставете ја да се излади. Изблендирајте ги лешниците, па додадете ги во филот, како и нутела. Изматете убаво и премачкајте преку пишкотите. На работ од ролатот истурете нутела и одозгора ставете ги лешниците, па ролајте. Оставете го во фрижидер 2 часа, па украсете со нутела и фереро топчиња.
