Неправедно обвинувани, црните мачки со векови доживувале прогони и тортури. Но, во многу земји од светот црните мачки се сметаат за амајлии и се подаруваат за да донесат среќа, пари, успех и сигурност.
Црните мачки се најголемите жртви на предрасуди, иако единствцено нешто по што се издвојуваат од останатите е токму само бојата на нивното крзно.
Ова се некои интересни факти за овие слатки мачки:
Црните мачки се сметаат за најдобри пријатели на морнарите
Мачките со задоволство биле добредојдени на бродовите за да ги фаќаат глувците, а морнарите воглавно преферирале црни мачки верувајќи дека носат среќа и дека ќе им обезбедат безбедно враќање дома.
Сите црни мачки се всушност темносини
На соодветно светло нијансите на влакната на црните мачки варираат од црни како јаглен, сиво-црни до кафено-црни. Постојат 22 различни видови на црни мачки, а единствена официјално призната е бомбајската раса чиј пигмент на црни влакна е многу повисок кај мажјаците отколку кај женките, а високото ниво на меланин во пигментот предизвиклува жолти очи.
Египќаните ги обожавале како богови
Древните Египќани и тоа како ги ценеле црните мачки. Една од најпознатите фигури на црна мачка од тоа време е Бастет, позната како Божицата Мачка. За сите црни мачки кои лутале по градовите се сметало дека се реинкарнација на оваа божица.
Имаат свој ден
Малкумина знаат дека 17 август е светскиот ден на црните мачки. Овој ден е воведен за да им се оддаде чест на овие преубави мачки за кои низ вековите многу сме им згрешиле поради предрасуди и суеверија.
Се верува дека одржуваат среќен брак
Во Мидлендс (Обединето Кралство) се верува дека црната мачка е поврзана со среќен брак, па црни мачки често се насликани на поканите за свадби, картичките за младенците, како и други украси поврзани со венчавањето.
