Несекојдневна приказна за тоа како никогаш не треба да се откажуваме од потрагата по домашните миленичиња кои поради сплет на околности знаат да исчезнат или побегнат.
Ричард и Мариа Прајс, кои сега живеат во Шпанија, неодамна примиле повик од Њујорк дека некој ја пронашол нивната мачка Мими. Со оглед на тоа што Мими ја загубиле пред цели 10 години, разбирливо е што се двоумеле да се јават мислејќи дека станува збор за измама. Сепак, кога телефонот заѕвонил кренале слушалка.
„Дали вие сте имале црно-бела мачка?“, ги прашала личноста од другата страна на линијата, пренесува The Washington Post. Нивниот одговор бил „да“. Имено, парот ја чувал мачката Мими до 2012 година година, кога таа исчезнала.
Ричард и Мариа тогаш живееле во Њујорк. Додека биле на одмор, станот и мачката ги чувале неколку од нивните мајки и татковци. Еден ден некој од нив не бил доволно внимателен и ја оставил влезната врата отворена.
Мачката брзо ја искористила укажаната прилика и се впуштила во надворешна авантура, по што ѝ се загубила секаква трага. Ричард и Мариа ја барале својата миленичка повеќе од година дена, но нивната потрага била безуспешна.
Минатата година Ричард заминал во пензија, па се преселиле во Шпанија, но не ги промениле броевите на мобилните. Некој во прифатилиште за улични животни во Њујорк донел црно-бела мачка, на која преку чипот откриле кои ѝ се сопствениците.
„Ова е навистина вистинско божикно чудо“, вели пресреќниот Ричард, кој во 2010 година ја вдомил Мими, па тој и сопругата многу се приврзале за слатката црно-бела мачка.
Подоцна дознале дека Мими цело време била надвор. Минувачи ја хранеле, а некои ѝ дозволувале преку зимата да се згрее во нивните домови.
Благодарение на личноста која ја донела во прифатилиштето и вработените кои се потрудиле да ги пронајдат сопствениците, Мими сега е повторно заедно со нејзината човечка фамилија.
