Овој специјалитет од англиската кујна може да се јади на различни начини.
Pigs in blankets, или колбаси завиткани во сланина, најчесто се јадат во Англија и Ирска. Најчесто се служат со мисирка на божикната вечера, а ние предлагаме да ги послужите со печење било кој ден. Исто така, вака подготвените колбаси се одлична идеја за предјадење, но и за ручек. Доволно е да ги послужите со салата.
Потребни состојки:
- 12 свински колбаси
- 12 парчиња сланина
- 4 листови жалфија
- 4 гранчиња мајчина душица
- 1 гранче рузмарин
За глазурата:
- 2 лажици мед
- 1 гранче рузмарин
- 1 гранче мајчина душица
- 2 листа жалфија
Подготовка:
Свиткајте две парчиња сланина и одозгора ставете лист жалфија, па додајте колбас и свиткајте во ролна. Постапката повторете ја уште 3 пати, па на ист начин ставете ја сланината, само сега одозгора ставете го сечканиот рузмарин и над него колбасот. Свиткајте за да направите уште 3 колбаси. Направете ги и останатите колбаси на ист начин, само жалфијата и рузмаринот заменете ги со мајчина душица.
Глазурата ќе ја направите така што жалфијата, рузмаринот и мајчината душица ситно ќе ги исечкате, па ќе ги измешате со медот.
Наредете ги колбасите во плех обложен со хартија за печење и печете ги на 200°C околу 15 минути. Потоа се покрива со глазурата и се пече уште 6-7 минути.